პროექტი

1.პროექტის სახელწოდება:ტაო- კლარჯეთის ეკლესია-მონასტრები

2. პროექტის მთავარი იდეა(თემა) 1-2 წინადადებით: ვიცნობდეთ ჩვენი ქვეყნის კულტურულ მემკვიდრეობას, ვიბრძოლოთ მის დასაცავად.

3. პროექტის აქტუალობა:მოსწავლეებმა შეისწავლეს ჰაგიოგრაფიული ნაწარმოები- გიორგი მერჩულის ,,გრიგოლ ხანძთელის ცხოვრება",სადაც მოთხრობილია     საუკუნეებში ტაო-კლარჯეთში სამონასტრო მშენებლობის შესახებ. ამჟამად ეს ტერიტორია თურქეთის სახელმწიფოს შემადგენლობაშია. მოსწავლეები დაინტერესდნენ როგორ ვითარებაშია ახლა ჩვენი ეკლესია-მონასტრები, რა ვიცით მათ შესახებ, როგორ დავიცვათ  ჩვენი კულტურული მემკვიდრეობა.
4. პროექტის მიზნები:მოსწავლეები უკეთ გაიცნობენ ჩვენი ქვეყნის ისტორიას, საზღვარგარეთ არსებულ კულტურულ ძეგლებს,

5.პროექტის სრული აღწერა:მოსწავლეები შეისწავლიან საქართველოს ძირძველი შემადგენელი ნაწილის - ტაო-კლარჯეთის ისტორიას და გეოგრაფიას. მოიძიებენ ისტორიულ და ლიტერტურულ წყაროებში არსებულ ინფორმაციას აღნიშნული ადგილის შესახებ. მოიძიებენ და იკვლევენ ტაო-კლარჯეთში არსებული არქიტექტურული ძეგლების შესახებ ინფორმაციას. შეისწავლიან სხვადასხვა პერიოდის თვითმხილველთა და მოგზაურთა ჩანაწერებს აქ არსებული არქიტექტურის უმშვენიერესი ძეგლების შესახებ და ადარებენ დღევანდელ მდგომარეობას.
 5. მონაწილეთა ასაკი: X კლასი,16 წელი

6. ვადები/ხანგრძლივობა: ორი თვე

7. მოსალოდნელი შედეგები/პროდუქტები,რაც შეიძლება შეიქმნას:მოსწავლეები შექმნიან
საპრეზენტაციო მასალებს,დაწერენ ესეებს თითოეული ძეგლის შესახებ,გააკეთებენ სლაიდშოუებს, დაამზადებენ  კედლის გაზეთებს. ბავშვებს გამოუმუშავდებათ კვლევა-ძიების, დამატებით ლიტერატურაზე მუშაობის  უნარ-ჩვევა, ჩამოუყალიბდებათ ბიბლიოთეკებში წიგნის მოძიებისა და დამუშავების უნარი. ისწავლიან მოპოვებული მასალის კომპიუტერულ დამუშავებას(ტექსტის აკრეფა-რედაქტირება,სკანირება, დამუშავება, ამოპრინტერება, ელექტრონული ფოსტით ინფორმაციის გაგზავნა). მიეჩვევიან ჯგუფურ მუშაობას, ურთიერთთანამშრომლობას. გაეცნობიან მათთვის ნაკლებად ნაცნობ კულტურული მემკვიდრეობის ნიმუშებს და ისწავლიან მათზე ზრუნვასა და დაცვას.
8. პროექტისათვის საჭირო ძირითადი  რესურსები:ბიბლიოთეკა, ინტერნეტი,კომპიუტერი, პროექტორი, პრინტერი, ეკრანი.

9. პროექტის მსვლელობა(ძირითადი აქტივობები):ჯგუფებად დაყოფილი მოსწავლეები ბიბლიოთეკასა და ინტერნეტში მოიძიებენ დამხმარე ლიტერატურას,ფოტო-მასალას მოიძიებენ, დაამუშავებენ , მოამზადებენ მოხსენებებს, შექმნიან სლაიდშოუებს, შექმნიან მასალის ელ-ვერსიას,გააფორმებენ კედლის გაზეთებს და ალბომებს, ჩატარდება კონფერენცია,სადაც გააკეთებენ თავიანთი ნაშრომების პრეზენტაციას.
10. საგნებთან/საგნობრივ ჯგუფებთან კავშირი

   ლიტერატურა-განუვითარებს საკომუნიკაციო უნარებს: წერას, კითხვას,მოსმენას, საუბარს,დისკუსიას, პრეზენტაცია
     ისტორია-განუვითარებს ისტორიული მემკვიდრეობისადმი პატივისცემას და ხელს შეუწყობს ღირსეული მოქალაქის აღზრდას. ჩამოუყალიბდეაციაბა ისტორიული კვლევის უნარი. შეისწავლის სანდო ისტორიული წყაროების, (წიგნი, ინტერნეტი, მოძიება, პრეზენტაცია და ა. შ.) საფუძველზე სათანადო დასკვნების გამოტანას.
ხელოვნება - უყალიბდება ესთეტიკური ხედვა,( არქიტექტურა,კინო-ფილმებისა და ფოტო-ვიდეო მასალა)
     გეოგრაფია- მათი ცოდნა მიუახლოვდება ეროვნული სასწავლო გეგმით გათვალისწინებულ სტანდარტებს. გაეცნობიან ტაო-კლარჯეთის ბუნებას, ისწავლიან გეოგრაფიული ობიექტების დასახელებას.
  კავშირიეროვნულ სასწავლო გეგმასთან
ქართ. X. 3. აუდიტორიის წინაშე მოხსენებით გამოსვლისას მოსწავლეს შეუძლია ზეპირი კომუნიკაციის ეფექტიანობის გასაძლიერებელი ხერხების გამოყენება.

ქართ. X. 4. მოსწავლეს შეუძლია თანაკლასელთა ზეპირი მოხსენებების გაანალიზება და შეფასება.

ქართ. X. 8. მოსწავლეს შეუძლია სხვადასხვა ჟანრის მხატვრული ნაწარმოებების, პუბლიცისტური თხზულებების წაკითხვა და მათ მიმართ საკუთარი დამოკიდებულების გამოხატვა.

                        

ქართ. X. 11. მოსწავლეს შეუძლია დაწეროს თხზულება სხვადასხვა მიზნით და სხვადასხვა აუდიტორიისათვის.

ქართ. X. 16. მოსწავლეს შეუძლია წერის სტრატეგიების გამოყენება ნაწერის ორგანიზებისათვის.

11. პროექტის ხელმძღვანელი (მასწავლებელი):ნინო გათენაშვილი

12. ხელმძღვანელის ელ.ფოსტა:ninogatenashvili@gmail.com

13.პროექტის ვებ-გვერდი/ბლოგი:

პროექტის განხორციელების გეგმა